‘శాకుంత‌లం’ ట్రైలర్ టాక్
గుణశేఖర్ దర్శకత్వంలో సమంత ప్రధాన పాత్రలో నటించిన చిత్రం ‘శాకుంత‌లం’. ఫిబ్ర‌వ‌రి 17న రిలీజ్ కానుంది. తెలుగుతో పాటు త‌మిళం, మ‌ల‌యాళం, క‌న్న‌డ, హిందీ భాష‌ల్లో విడుద‌ల‌చేయ‌బోతున్నారు. ఈ సినిమాను దిల్‌రాజుతో క‌లిసి గుణశేఖర్ త‌న‌య నీలిమ గుణశేఖర్ నిర్మిస్తోంది. మోహ‌న్‌బాబు, గౌత‌మి కీల‌క పాత్ర‌లు పోషిస్తున్నారు.
తాజాగా ఈ సినిమా ట్రైలర్ ను రిలీజ్ చేశారు మేకర్స్. ఈ భూమి మీద అమ్మ‌నాన్న‌ల‌కు అక్క‌ర‌లేని తొలి బిడ్డ మేన‌క విశ్వామిత్రుల ప్రేమ‌కు గుర్తుగా ఈ పాప పుట్టింది అనే డైలాగ్‌తో శాకుంత‌లం ట్రైలర్ ప్రారంభ‌మైంది. శకుంతల కార‌ణ జ‌న్మురాలు, ఒక న‌వ నాగ‌రిక చ‌రిత్ర‌కు నాంది ప‌ల‌క‌బోతున్న‌ది అనే డైలాగ్‌తో దుష్యంతుడిగా దేవ్ మోహ‌న్ క‌నిపించాడు.చెలిక‌త్తెలు శకుంతల కోసం వెతుకుతుండ‌టం, అదే స‌మ‌యంలో దుష్యంతుడు ఆమెను చూసి మైమ‌ర‌చిపోయే సీన్‌తో సమంత ను ట్రైల‌ర్‌లో చూపించారు. స్వ‌చ్ఛ‌మైన త‌న ప్రేమ కోసం దుర్వాసుడి ఆగ్ర‌హానికి, క‌శ్య‌ప మ‌హ‌ర్షి అనుగ్రాహానికి మ‌ధ్య ఆమె ప‌డే క‌ష్టాలు భూమాత‌కు సైతం భార‌మే అనే డైలాగ్‌తో సమంత ప్రేమ‌కు ఎదుర‌య్యే క‌ష్టాలు చూపించారు.
ఈ సినిమాలో దుష్యంతుడిగా మ‌ల‌యాళ న‌టుడు దేవ్ మోహ‌న్ న‌టిస్తున్నాడు. దుర్వాస మ‌హామునిగా మోహ‌న్ బాబు క‌నిపించారు. గౌత‌మి, సుబ్బరాజుతో పాటు ప‌లువురు టాలీవుడ్ న‌టీన‌టులు కీల‌క పాత్రల్ని పోషించారు. విజువల్స్ అద్భుతంగా ఉన్నాయి. బాహుబలిలో మహిష్మతి మాదిరిగా సరికొత్త రాజ్యాన్ని చూపించారు.
