అజిత్ పై విజయ్ గెలుపు
సంక్రాంతి బాక్సాఫీస్ ఫైట్లు షురూ అయినవి. కోలీవుడ్ లో ఈరోజే అజిత్ ‘తునివు’, విజయ్ ‘వారిసు’ రిలీజ్ అయ్యాయి. అయితే ఈ రెండింటిలో వారిసు పాజిటివ్ టాక్ సొంతం చేసుకోగా.. ‘తునివు’ పై మిక్సిడ్ టాక్ వినిపిస్తుంది. ఈ నేపథ్యంలో పొంగల్ ఫైట్ లో అజిత్ పై విజయ్ విజయం సాధించాడని కోలీవుడ్ ప్రేక్షకులు చెప్పుకుంటున్నాయి.
వీహెచ్ వినోద్ దర్శకత్వంలో తునివు తెరకెక్కింది. ప్రయివేటు బ్యాంకుల మోసాల నేపథ్యంలో యాక్షన్ ఎంటర్ టైనర్ ను చూపించారు దర్శకుడు. వినోద్ తీసుకున్న పాయింట్ ఆకట్టుకునేలా ఉంది. కథను మొదలు పెట్టిన తీరు కూడా సూపర్ . కానీ దాన్ని చివరదాకా ఉత్కంఠగా చెప్పలేకపోయారు. ముఖ్యంగా ఫ్యాష్ బ్యాక్ ఏపీసోడ్ పేలలేదు. ఫస్టాఫ్ లో కామెడీ వర్కవుట్ కాలేదు. కాకపోతే యాక్షన్ అదిరిపోయింది. హాలీవుడ్ రేంజ్ లో ఉంది.
మరోవైపు ‘వారిసు’ విజయ్ ఆల్ రౌండర్ షో చేశారు. క్లాస్ గా కనిపిస్తూనే మాస్ మూమెంట్స్ చూపించారు. ఎమోషనల్ గా టచ్ చేశారు. గ్లామర్ మిస్ కాలేదు. మొత్తంగా వారిసు సూపర్ హిట్ టాక్ సొంతం చేసుకుంది. దర్శకుడు వంశీ, నిర్మాత దిల్ రాజు ఇద్దరికి తమిళ్ లో ఇదే తొలి సినిమా.
