భారత్ జోడో యాత్రలో విషాదం.. కాంగ్రెస్‌ ఎంపీ మృతి !
పంజాబ్‌లోని ఫిలౌర్‌ ప్రాంతంలో కొనసాగుతున్న ‘భారత్ జోడో యాత్ర’లో విషాదం చోటు చేసుకుంది. ఈ యాత్రలో పాల్గొన్న కాంగ్రెస్‌ ఎంపీ సంతోఖ్‌ సింగ్ చౌధరీ కుప్పకూలి ప్రాణాలు కోల్పోయారు. గుండెపోటుతో ఆయన మరణించినట్లు తెలుస్తోంది.
ఈ ఉదయం ఈ యాత్రలో పాల్గొని రాహుల్ గాంధీతో కలిసి నడిచిన జలంధర్‌ ఎంపీ సంతోఖ్‌ సింగ్ ఉన్నట్టుండి కుప్పకూలిపోయారు. దీంతో వెంటనే ఆయనను లూధియానాలోని ఆసుపత్రికి తరలించారు. అయితే అప్పటికే ఆయన మృతి చెందినట్లు వైద్యులు ధ్రువీకరించారు. ఎంపీ మరణవార్త తెలియగానే రాహుల్ గాంధీ యాత్రను నిలిపివేసి హుటాహుటిన ఆసుపత్రికి బయల్దేరారు.
