చిరు, బాలయ్య సెంచరీలు

సంక్రాంతి బరిలోకి దిగిన మెగాస్టార్ చిరంజీవి, నటసింహం నందమూరి బాలకృష్ణ ఇద్దరూ సెంచరీలు చేశారు. బాలయ్య వీరసింహారెడ్ది సంక్రాంతి కానుకగా జనవరి 12న రిలీజ్ కాగా..నాలుగు రొజుల్లో రూ. 104 కోట్ల గ్రాస్ ను కలెక్ట్ చేసింది. ఇక చిరు నటించిన వాల్తేరు వీరయ్య 13 న ప్రేక్షకుల ముందుకొచ్చి .. మూడ్రోజుల్లో రూ. 105 కోట్లు వసూలు చేసింది. 

గోపీచంద్ మలినేని దర్శకత్వంలో వీరసింహారెడ్డి తెరకెక్కింది. ఈ చిత్రానికి థమన్ సంగీతం అందించారు. ఇక కె. ఎస్ రవీంద్ర (బాబీ) డైరెక్షన్ లో వాల్తేరు వీరయ్య తెరకెక్కిన సంగతి తెలిసిందే. మాస్ మహారాజా రవితేజ కీలక పాత్రలో నటించారు. ఇక ఈ రెండు చిత్రాల్లోనూ హీరోయిన్ శృతి హాసన్ నే. అంతేకాదు.. ఈ రెండు సినిమాలను మైత్రీ మూవీస్ నిర్మించింది.