ఆస్కార్ లో ‘ఆర్ఆర్ఆర్’ హవా
తెలుగు సినిమా మురిసిపోతుంది. ప్రతిష్టాత్మక ఆస్కార్ అవార్డుల వేడుకలో నాట్యం చేస్తోంది. అమెరికాలోని లాస్ ఏంజిల్స్ లోని డాల్బీ థియేటర్ లో ఆస్కార్ వేడుక షురూ అయింది. షాంపైన్ కార్పెట్ పై తారలు తళుక్కున మెరుస్తున్నారు. హాలీవుడ్ తారలు హోయలు ఒలకబోతున్నా.. ఆస్కార్ లో ఆర్ఆర్ఆర్ తారలు ప్రత్యేక ఆకర్షణగా నిలుస్తున్నారు. భార్య ఉపాసన తో కలిసి రామ్ చరణ్ స్పెషల్ చిట్ చాట్. సూటుబూటులో తారక్ మెరుపులు హైలైట్ అయ్యాయి.
ఇక హాలీవుడ్ భామలు జెండాయా, నికోల్ కిడ్మాన్ , జెస్సికా చస్టెయిన్, ఫోబ్ వాలర్-బ్రిడ్జ్, ఎమిలీ బ్లంట్ .. తదితరులు తళుక్కున మెరిశారు. బాలీవుడ్ భామ దీపికా పదుకొనె హాలీవుడ్ లుక్ లో అదరగొట్టేసింది. మొత్తంగా.. వరల్డ్ సినిమా ఒక్కసారి కలర్ ఫుల్ గా మారింది. చూడ్డానికి రెండు కళ్లు సరిపోవడం లేదు. ఆస్కార్ వేడుక కన్నుల పండుగగా కొనసాగుతుంది.
