బెంగళూరుపై చెన్నై గెలుపు

బెంగళూరు-చెన్నై జట్ల మధ్య జరిగిన థ్రిల్లింగ్ మ్యాచ్ లో.. ధోని సేన 8 పరుగుల తేడాతో విక్టరీ నమోదు చేసింది. తొలుత బ్యాటింగ్ చేసిన చెన్నై.. నిర్ణీత 20 ఓవర్లలో సీఎస్కే 6 వికెట్లు కోల్పోయి 226 పరుగులు చేసింది. డేవాన్‌ కాన్వే (83; 45 బంతుల్లో 6 ఫోర్లు, 6 సిక్స్‌లు), శివమ్‌ దూబే (52; 27 బంతుల్లో 2 ఫోర్లు, 5 సిక్స్‌లు) దంచికొట్టారు. ఆర్సీబీ బౌలర్లలో సిరాజ్‌, పార్నెల్‌, విజయ్‌కుమార్‌ వైశాఖ్‌, హసరంగ, హర్షల్‌ పటేల్‌, మ్యాక్స్‌వెల్ తలో వికెట్‌ తీశారు.

ఇక 227 పరుగుల భారీ టార్గెట్ తో బరిలోకి దిగిన బెంగళూరు 218 పరుగులకే పరిమితం అయింది. మ్యాక్స్‌వెల్ (76; 36 బంతుల్లో 4 ఫోర్లు, 8 సిక్స్‌లు), డు ప్లెసిస్‌ (62; 33 బంతుల్లో) ఆకాశమే హద్దుగా చెలరేగి ఆడటంతో బెంగళూరు స్కోరు పరుగులు పెట్టింది. 14 ఓవర్లకు స్కోరు 159/4 స్కోర్ చేసింది. అయితే ఆఖర్లో సీఎస్కే కట్టుదిట్టమైన బౌలింగ్, ధోని సూపర్ కెప్టెన్సీ తో సీఎస్కే విక్టరీ కొట్టింది.