ఏఎన్నార్ బయోపిక్.. నాగ్ దే బాధ్యత !
టాలీవుడ్ లో బయోపిక్’ల ట్రెండు మొదలైంది. ఇందుకు ‘మహానటి’ బయోపిక్ పునాది వేసింది. ప్రస్తుతం ఎన్టీఆర్, వైఎస్ఆర్ బయోపిక్ లు తెరకెక్కుతోన్నాయి. ఈ రెండు కూడా వచ్చే యేడాది సంక్రాంతి కానుకగా ప్రేక్షకుల ముందుకు రానున్నాయి. ఈ నేపథ్యంలో బాలకృష్ణ, జగన్ లు తమ బాధ్యతలని నిర్వహిస్తున్నారని చెప్పుకొంటున్నారు. తమ బాధ్యతగా తమ తండ్రుల బయోపిక్ లని తీసుకొస్తున్నారు. ఐతే, హీరో నాగార్జున మాత్రం తన బాధ్యతని నెరవేర్చడం లేదనే ప్రచారం జరుగుతోంది.
‘ఎన్టీఆర్ బయోపిక్’ తెరకెక్కుతోన్న నేపథ్యంలో ‘ఏఎన్నార్ బయోపిక్’ కూడా తీసుకొస్తే బాగుంటుందని అక్కినేని అభిమానులు అభిప్రాయపడుతున్నారు. ఐతే, ఆ దిశగా అక్కినేని ఫ్యామిలీ ప్రయత్నాలు చేయడం లేదు. నిజానికి ఆ బాధ్యతని నాగ్ నే తీసుకోవాల్సి ఉంది. ఆయన మాత్రం ‘మనం’ సినిమాతోనే తన బాధ్యతని నెరవేరినట్టు ఫీలవుతున్నట్టు కనబడుతోంది. ‘మనం’ అక్కినేని అభిమానులకు బాగా నచ్చిన సినిమాయే.. అయితే, అది ఏఎన్నార్ జీవితకథ తెరకెక్కలేదు.
ఏఎన్నార్ జీవితం గురించి ప్రేక్షకులకు తెలియని చాలా విషయాలున్నాయి. వాటితో ఏఎన్నార్ బయోపిక్ ని తీసుకొస్తే బాగుంటుందని అభిమానులు ఆశపడుతున్నారు. ఏఎన్నార్ బయోపిక్ తీసుకొస్తే బాగుంటుందని అక్కినేని యంగ్ హీరో అభిప్రాయపడుతున్నారు. కానీ, తాత పాత్రలో నటించలేనని తప్పుకొంటున్నాడు. ఈ నేపథ్యంలో ఏఎన్నార్ బయోపిక్ ని తీసుకురావాల్సిన బాధ్యత నాగ్ పైనే ఉందని అక్కినేని అభిమానులు అంటున్నారు. మరీ… ఆ బాధ్యతని నాగ్ ఎప్పుడు నిర్వర్థిస్తాడో చూడాలి.
