ఆదిపురుష్ సెన్సార్ రివ్యూ

ఆదిపురుషుడి ఆగమనానికి సమయం ఆసన్నమవుతున్నది. వచ్చే వారమే (జూన్ 16) ఆదిపురుష్ ప్రేక్షకుల ముందుకు రాబోతున్నారు. తాజాగా ఈ సినిమా సెన్సార్ కార్యక్రమాలను పూర్తి చేసుకుంది. క్లీన్ ‘యు’ సర్టిఫికెట్ పొందింది. దాదాపు 3 గంటల (2 గంటల 59 నిమిషాలు) సినిమా ఆదిపురుష్ ను కట్ చేశారు. మూడు గంటల సినిమా అంటే నిడివి ఎక్కువే. కానీ రామాయణం లాంటి కథను మూడు గంటల్లో చెప్పడం కూడా గొప్పే. అయితే సినిమా చూసిన సెన్సార్ సభ్యులు చిత్ర బృందాన్ని అభినందించినట్లు తెలిసింది. పాటలు, బ్యాక్ గ్రౌండ్ మ్యూజిక్, విజువల్ ఎఫెక్ట్స్, ప్రభాస్, కృతి సనన్, సైఫ్ అలీఖాన్ ల నటన అద్భుతంగా ఉంది. కాకపోతే..  కొన్ని చోట్ల యానిమేషన్ సినిమా చూస్తున్న భావన కలుగుతుందని సమాచారం.

ఈ చిత్రాని ఓం రౌత్ దర్శకత్వం వహించారు. రామాయణ యుద్ధకాండగా తెరకెక్కింది. రాముడిగా ప్రభాస్, రావణాసురుడిగా సైఫ్ అలీఖాన్, సీత పాత్ర లో కృతిసనన్ నటించారు. ఆదిపురుష్ మొదటి ట్రైలర్ నిరాశపరచగా.. రెండో ట్రైలర్ ఆకట్టుకుంది. విజువల్స్ అద్భుతంగా కుదిరాయి. ఈ నేపథ్యంలో ఆదిపురుష్ కోసం ప్రపంచవ్యాప్తంగా ప్రేక్షకులు ఆసక్తిగా ఎదురు చూస్తున్నారు.