రేపే ‘సలార్’ అప్ డేట్

పాన్ ఇండియా స్టార్ ప్రభాస్ అభిమానులకు గుడ్ న్యూస్. కేజీఎఫ్ దర్శకుడు ప్రశాంత్ నీల్ డైరెక్షన్ లో ప్రభాస్ నటించిన చిత్రం ‘సలార్’. సెప్టెంబర్ 28న ప్రేక్షకుల ముందుకు రాబోతున్న సంగతి తెలిసిందే. ఈ నేపథ్యంలో ఈ సినిమా అప్ డేట్స్ క్యూ కడతాయని అభిమానులు ఆశగా ఎదురు చూస్తున్నారు. అయితే ఆలస్యం అవుతుండటంతో నిరాశ చెందుతున్నారు. వారికి గుడ్ న్యూస్ చెబుతూ.. ఆగస్టు 15న సలార్ నుంచి బిగ్ అప్ డేట్ రాబోతున్నట్లు తెలుస్తోంది.

సలార్ నుంచి ఇప్పటి వరకు ఒక్క సాంగ్  కూడా రిలీజ్ కాలేదు. ఈ నేపథ్యంలో స్వాతంత్య్ర దినోత్సవాన్ని పురస్కరించుకొని సలార్ ఫస్ట్ సాంగ్ అప్ డేట్ ను ఇవ్వబోతున్నట్లు తెలుస్తోంది. సాంగ్ అప్ డేట్ తో పాటుగా కొత్త పోస్టర్ ను రిలీజ్ చేయనున్నారని తెలిసింది. ఈ యాక్షన్ ఎంటర్ టైనర్ లో ప్రభాస్ కి జంటగా శృతిహాసన్ నటించింది. ఇక కేజీఎఫ్ నుంచి మించిన ఎలివేషన్స్ సలార్  లో ఉంటాయని చెబుతున్నారు.