చరణ్ సినిమా.. బిగ్ ట్విస్ట్ !
ఈ యేడాది ‘రంగస్థలం’తో బ్లాక్ బస్టర్ హిట్ అందుకొన్నాడు మెగా పవర్ స్టార్ రామ్ చరణ్. ప్రస్తుతం బోయపాటి దర్శకత్వంలో ఓ సినిమా చేస్తున్నాడు. బోయపాటి సినిమా అనగానే యాక్షన్ అదిరిపోయే ఉంటుందని అందరికీ తెలుసు. చరణ్ సినిమాలోనూ యాక్షన్ హైలైట్ గా నిలుస్తుందని చెబుతున్నారు. అంతకంటే మించి.. ఇంట్రవెల్ బ్యాగ్ ని అదిరిపోయేలా ప్లాన్ చేశాడట. ఓ అద్భుతమైన ట్విస్ట్’తో ఇంట్రవెల్ బ్యాంగ్ ను డిజైన్ చేసినట్టు తెలిసింది.
ఈ సినిమా ఇప్పటికే 60 శాతం షూటింగ్ పూర్తి చేసుకొంది. ఫ్యామిలీకి సంబంధించిన సీన్స్ దాదాపు పూర్తయ్యాయి. యాక్షన్ మాత్రమే మిగిలి వుంది. నెక్ట్స్ షెడ్యూల్ లో యాక్షన్ ఏపీసోడ్ ని ప్లాన్ చేశారు. ఇందులో భాగంగానే ఇంట్రవెల్ బ్యాంగ్ లో వచ్చే యాక్షన్ సీన్స్ ని చిత్రీకరించనున్నారు. ‘రంగస్థలం’ తర్వాత రామ్ చరణ్ నుంచి వస్తున్న సినిమా కావడంతో ప్రేక్షకుల్లో భారీ అంచనాలున్నాయి.
ఈ సినిమాలో చరణ్ కి జంటగా కైరా అద్వానీ జతకట్టనుంది. సినిమా టైటిల్ ని ఇంకా ఖరారు చేయలేదు. త్వరలోనే టైటిల్ ను ఖరారు చేసి.. ఆగస్టు 15న ఫస్ట్ లుక్ ని విడుదల చేయనున్నారు. ఇక, సినిమాని వచ్చే యేడాది సంక్రాంతి కానుకగా జనవరి 11న రిలీజ్ చేయనున్నారు. ఈ చిత్రానికి డి.వి.వి దానయ్య నిర్మాత.
