కోహ్లీ వికెట్ అంత అమూల్యమైనది.. మరీ !

ఓ కుర్రాడు కోహ్లీకి బౌలింగ్ చేయాలని ఆశపడతాడు. ఇంకెవ్వరు దొరకలేదా.. ? అని కోహ్లీ అడిగితే.. నాకు మీ వికెట్ నే కావాలని పట్టుబడతాడు. కష్టపడి ఫైనల్ గా కోహ్లీని అవుట్ చేస్తాడు. ఇది టీవీలో వచ్చే ఓ యాడ్. నిజంగానే కోహ్లీ వికెట్ చాలా అమూల్యమైంది. ఆ వికెట్ తీసిన బౌలర్‌‌ పంటపండినట్టే.. ! ఇప్పుడు కోహ్లీని రెండు సార్లు అవుట్ చేసిన ఇంగ్లాండ్ బౌలర్‌‌ అదిల్‌ రషీద్‌ కు టెస్టు సిరీస్ లో అవకాశం దక్కేలా కనిపిస్తోంది.

వన్డే సిరీస్‌లో అదిల్‌ రషీద్‌ ఎంతగానో ఆకట్టుకున్నాడు. ఈ క్రమంలో మొదటి, చివరి వన్డేల్లో భారత కెప్టెన్‌ విరాట్‌ కోహ్లీని అవుట్ చేశాడు. మూడో వన్డేలో రషీద్‌ బంతితో అద్భుతంగా ఆకట్టుకున్నాడు. ముందుగా దినేశ్‌ కార్తీక్‌ బోల్తా కొట్టించిన ఈ కుడిచేతి వాటం బౌలర్‌‌.. ఆ తర్వాత విరాట్‌ కోహ్లీకి కళ్లుచెదిరే బంతితో ఊహించని విధంగా షాక్‌ ఇచ్చాడు. ఓవర్‌ చివరి బంతికి రైనాకు కూడా ఔట్‌ చేసి భారత జోరుకు కళ్లెం వేశాడు. ఇలా వన్డే సిరీస్‌లో చక్కటి ప్రదర్శనతో ఆకట్టుకున్న రషీద్‌కు.. టెస్టు జట్టులోనూ చోటు కల్పించాలని ఇంగ్లాండ్‌ క్రికెట్‌ బోర్డు ఆలోచనల్లో ఉన్నట్లు తెలుస్తోంది.