సెలబ్రేటీల సరదాలు.. సంపాదన తెచ్చిపెడుతున్నాయ్ !
సెలబ్రేటీలకు సోషల్ మీడియా సంపాదన తెచ్చిపెడుతోంది. సినీ స్టార్స్ తమ తమ సినిమాల ప్రచార చిత్రాలని సోషల్ మీడియాలో పోస్టు చేస్తుంటారు. తద్వార తమ సినిమాని ప్రమోట్ చేసుకొంటుంటారు. దీంతో పాటు పర్సనల్ లైఫ్, విహార యాత్రలకు సంబందించిన పోటోలని సోషల్ మీడియా ద్వారా అభిమానులతో పంచుకొంటుంటారు. సరదా కోసం చేసిన ఈ పోస్టులు కూడా వారికి సంపాదన తెచ్చిపెడుతున్నాయి.
ఈ విధంగా అత్యధికంగా సంపాదిస్తున్న వారిలో టీమ్‌ఇండియా కెప్టెన్‌ విరాట్‌ కోహ్లి కూడా ఉన్నారు. ప్రపంచంలో కోహ్లీ 17వ స్థానంలో నిలవడం విశేషం. ఇన్‌స్టాగ్రామ్‌లో ఒక ఫొటోను పోస్ట్‌ చేయడం ద్వారా అతడు దాదాపుగా రూ. 82.5 లక్షల ఆర్జిస్తున్నాడు. క్రీడాకారుల జాబితాలో అతడి స్థానం తొమ్మిది. ఇన్‌స్టాగ్రామ్‌లో ప్రచార చిత్రాలను షెడ్యూలింగ్‌ చేసే సంస్థ హాపర్‌హెచ్‌క్యూ రూపొందించిన ఈ జాబితాలో అమెరికా మోడల్‌ కైలీ జెన్నర్‌ అగ్రస్థానంలో నిలిచింది. ఆమెకు ఒక్క చిత్రానికి గాను రూ. 6.86 కోట్లు దక్కుతుంది. సినీ స్టార్స్ కి ఇదో సైడ్ ఇన్ కమ్ లా మారిందని చెప్పవచ్చు.
