గీత కోసం బన్నీ వస్తున్నాడు

గీత కోసం స్టయిలీష్ స్టార్ అల్లు అర్జున్ వస్తున్నాడు. విజయ్ దేవరకొండ – రష్మిక మందన్న జంటగా తెరకెక్కిన చిత్రం ‘గీత గోవిందం’. పరశురామ్ దర్శకుడు. ఆగస్టు 15న ప్రేక్షకుల ముందుకు రానుంది. ఈ సినిమా ఆడియో వేడుక ఆదివారం (జులై 29) హదరాబాద్ ఫిల్మ్ నగర్‌లోని జేఆర్సీ కన్వెన్షన్‌లో జరగనుంది. ఈ వేడుకకి ముఖ్య అతిథిగా అల్లు అర్జున్ హాజరుకాబోతున్నాడు. ఈ విషయాన్ని తెలుపుతూ చిత్రబృందం ఓ పోస్టర్ ని కూడా రిలీజ్ చేసింది. ‘గీతాఆర్ట్స్ 2’ బ్యానర్ నుంచి వస్తున్న చిత్రమిది. సొంత బ్యానర్ గీత కోసమే బన్నీ రాబోతున్నాడు అన్నమాట.

పెళ్లిచూపులు, అర్జున్ రెడ్డి సినిమాలతో విజయ్ దేవరకొండ టాలీవుడ్ క్రేజీ హీరోగా మారాడు. ఆయన్ని జూ. పవర్ స్టార్ గా పిలుచుకొంటున్నారు. పవన్ మాదిరిగానే విజయ్ యూత్ మెచ్చే పాత్రలు చేస్తున్నారు. ఇక, గీత గోవిందం కోసం విజయ్ ఓ పాట కూడా పాడారు. ‘అమెరికా గర్లైనా.. అత్తిలి గర్లైనా.. .. ‘ అంటూ సాగే సాంగ్ ని విజయ్ తనదైన శైలిలో అలపించారు. ఇప్పుడీ సాంగ్ సోషల్ మీడియాలో వైరల్ గా మారింది.