తారక్ ‘ఢీ10’ రెమ్యూనరేషన్ ఎంతో తెలుసా ?

యంగ్ టైగర్ ఎన్టీఆర్ అడుగుపెడితే .. రికార్డులు బద్దలు కావాల్సిందే. అది వెండితెరైనా.. బుల్లితెరైనా. తెలుగు బిగ్ బాస్ సీజన్ 1తో మా టీవీకి టాప్ టీఆర్పీ రేటింగ్స్ తెచ్చిపెట్టాడు తారక్. ఈ షో రికార్డు స్థాయిలో 16.18 టీఆర్పీ రేటింగ్స్ ని సొంతం చేసుకొంది. ఇక, ఇటీవలే ‘ఢీ10’ ఫైనల్ కు తారక్ గెస్ట్ గా వస్తే.. ఆ షో టీఆర్పీ రేటింగ్స్ అదిరిపోయాయి. ఏకంగా 13.9 టీఆర్పీ రేటింగ్ రావడం విశేషం. ‘ఢీ’ చరిత్రలోనే ఇది హైయెస్ట్ టీఆర్పీ రేటింగ్. ఐతే, ఈ షో కోసం తారక్ భారీ రెమ్యూనరేషన్ తీసుకొన్నట్టు సమాచారమ్. ‘ఢీ 10’ ఫైనల్స్ కోసం రెండు గంటల సమయం కేటాయించిన ఎన్టీఆర్.. అందుకోసం రూ.25 లక్షల రెమ్యూనరేషన్ తీసుకున్నట్లు చెప్పుకొంటున్నారు.

ఆ రెండు గంటలు తారక్ ని చూడ్డానికి రెండు కళ్లు సరిపోలేదు. ప్రేక్షకులని ఫుల్ గా ఎంటర్ టైన్ చేశాడు. ఢీ స్టేజ్ పై డ్యాన్స్ కూడా చేశాడు. ఆ రెండు గంటల కోసం తారక్ నిజంగా రూ. 25లక్షలు తీసుకున్నాడో.. లేదో ? తెలీదు. ఒకవేళ తీసుకొన్నా.. అందుకు పూర్తి న్యాయం చేశాడని బుల్లితెర ప్రేక్షకులు అనుకొంటున్నారు. ఎన్టీఆర్ అభిమానులు మాత్రం ఇదంతా ఒట్టి ప్రచారం మాత్రమే. అతిథిగా వెళ్లిన షోకు తారక్ రెమ్యూనరేషన్ తీసుకొని ఉండరని చెబుతున్నారు.

ఇక, ప్రస్తుతం తారక్ త్రివిక్రమ్ ‘అరవింద సమేత’తో బిజీగా ఉన్నారు. ఫ్యాక్షన్ నేపథ్యంలో తెరకెక్కుతోన్న ఈ సినిమాపై ప్రేక్షకుల్లో భారీ అంచనాలున్నాయి. అందుకు తగ్గట్టుగానే సినిమాని భారీతనంతో తెరకెక్కిస్తున్నారు. ఇటీవలే సెట్స్ నుంచి లీకైన పిక్ అంచనాలని పెంచేలా ఉంది. ఐతే, ఈ లీకులపై త్రివిక్రమ్ చిత్రబృందానికి వార్నింగ్ ఇచ్చినట్టు తెలిసింది. ఇక మీదట సెట్స్ లోని సెల్ ఫోన్లు ఎవరు తీసుకురావద్దని ఆదేశించారట. ఈ సినిమాలో తారక్ సరసన పూజా హెగ్డే జతకట్టనుంది.