రిలీజ్ కు ముందే ‘యూట్యూబ్ లో గీత గోవిందం’ !

విజయ్ దేవరకొండ తాజా చిత్రం ‘గీత గోవిందం’. రష్మిక హీరోయిన్. పరశురామ్ దర్శకుడు. ఈ సినిమాని ఆగస్టు 15న ప్రేక్షకుల ముందుకు తీసుకురానున్నారు. ఇప్పుడీ సినిమా ప్రమోషన్స్ ని చాలా భిన్నంగా ప్లాన్ చేసినట్టు సమాచారమ్. ఇప్పటికే ఈ సినిమా సెన్సార్ కార్యక్రమాలని పూర్తి చేసుకొంది. కొన్ని సన్నివేశాల విషయంలో సెన్సార్ సభ్యులు అభ్యంతరం పెట్టడంతో కోత పెట్టారట. దాంతోపాటు సినిమా నిడివి ఎక్కువ కావడంతో పలు సీన్లను తీసేశారట.

ఇప్పుడీ డిలేటెడ్ సీన్లని ప్రమోషన్స్ కోసం వాడుకోనున్నారు. సినిమా రిలీజ్ కు ముందే వాటిని యూట్యూబ్ లో విడుదల చేయనున్నారు. ఒకట్రెండు రోజుల్లో ఈ సన్నివేశాలు యూట్యూబ్ లో కనిపించనున్నాయి. ఇవి సినిమాకు కావాల్సినంత ప్రచారాన్ని తెచ్చిపెడతాయని చిత్రబృందం ప్లాన్ లా కనిపిస్తొంది. సాధారణంగా సినిమా విడుదలయ్యాక.. ఓ వారం తర్వాత డిలిటెడ్ సీన్స్ ని యుట్యూబ్ లో విడుదల చేస్తుంటారు. ఇప్పుడా పనిని కాస్త ముందుగానే చేస్తోంది గీత గోవిందం చిత్రబృందం.