‘గీత గోవిందం’ కోసం మెగాస్టార్ వస్తున్నాడా.. ?
రష్మిక – విజయ్ దేవరకొండ ‘గీత గోవిందం’గా ఆగస్టు 15న ప్రేక్షకుల ముందుకు రాబోతున్న సంగతి తెలిసిందే. తమ ప్రేమకథతో ప్రేక్షకులని ఎంటర్ టైన్ చేయనున్నారు. ఈ ప్రేమకథకు పరశురామ్ దర్శకుడు. గీత ఆర్ట్స్, యువి క్రియేషన్స్ సంయుక్తంగా నిర్మించాయి.
హైదరాబాద్ లో జరిగిన ఈ సినిమా ఆడియో వేడుకకు స్టయిలీష్ స్టార్ అల్లు అర్జున్ ముఖ్య అతిథిగా హాజరై సందడి చేశారు. ఇప్పుడు మెగాస్టార్ చిరంజీవి ‘గీత గోవిందం’ కోసం రాబోతున్నట్టు సమాచారమ్. ఈ నెల 12న వైజాగ్ లో ‘గీత గోవిందం’ ప్రీ రిలీజ్‌ వేడుకని ప్లాన్ చేసినట్టు తెలిసింది. ఈ వేడుకకు చీఫ్ గెస్ట్‌ గా మెగాస్టార్ చిరంజీవి ముఖ్య హాజరుకాబోతున్నట్లు తెలుస్తోంది.
ప్రస్తుతం మెగాస్టార్ ‘సైరా’ షూటింగ్ లో బిజీగా ఉన్నారు. హైదరాబాద్ లో కొత్తగా వేసిన సెట్ లో ‘సైరా’ కొత్త షెడ్యూల్ నేటి నుంచే ప్రారంభమైంది. ఇంతటి బిజీలోనూ విజయ్ దేవరకొండ సినిమా కోసం మెగాస్టార్ వస్తే.. అభిమానులకు కావాల్సింది ఏముంటుంది ? చెప్పండి.
