అక్కడ కూడా.. కైరా స్టార్ హీరోని పట్టేసింది !
సూపర్ స్టార్ మహేష్ ‘భరత్ అనే నేను’ సినిమాతో టాలీవుడ్ కు పరిచయమైంది బాలీవుడ్ భామ కైరా అద్వానీ. తొలి సినియే బ్లాక్ బస్టర్ హిట్ కావడంతో.. ఇక్కడ కైరా హవా మొదలైంది. ప్రస్తుతం బోయపాటి దర్శకత్వంలో తెరకెక్కుతోన్న రామ్ చరణ్ సినిమాలో కైరా నటిస్తోంది.
టాలీవుడ్ లో మహేష్ లాంటి స్టార్ హీరో సినిమాతో ఎంట్రీ ఇవ్వడం కైరాకు బాగా కలిసొచ్చింది. ఇక్కడ త్వరగా స్టార్ హీరోయిన్ అనిపించుకొనే వీలు చిక్కింది. ఇప్పుడిదే తరహా కోలీవుడ్ ఎంట్రీకి ప్లాన్ చేసుకొంది కైరా. స్టార్ హీరో విజయ్ సినిమాతో కోలీవుడ్ కి పరిచయం కాబోతుంది. అట్లీ కుమార్ దర్శకత్వంలో తెరకెక్కనున్న విజయ్ సినిమాలో కైరా హీరోయిన్ గా ఎంపికైనట్టు సమాచారమ్. ఇదే నిజమైతే.. టాలీవుడ్, కోలీవుడ్ లోనూ కైరా జోరు చూపించినట్టే.. !
