మహా’రుషి’ మహేష్’కు జన్మదిన శుభాకాంక్షలు
టాలీవుడ్ రాజకుమారుడు.. శ్రీమంతుడు.. మహర్షి మహేష్ బాబు పుట్టినరోజు (ఆగస్టు9) నేడు. ఈ సందర్భంగా ఆయనకు జన్మదిన శుభాకాంక్షలు తెలియజేస్తోంది.. మీ టీఎస్ మిర్చి డాట్ కామ్.
అతడు టాలీవుడ్ రాజకుమారుడు, పోకిరి, శ్రీమంతుడు, అర్జున్’డు, మహర్షి కూడా. ఆయన సినిమా వస్తే ప్రేక్షకులకి పండగే. మ..హే..శ్ ఆ పేరులో ఏదో మత్తుంది.. ఇది ఓ సినిమాలో డైలాగ్. కానీ నిజంగానే అమ్మాయిలు అతన్ని పేరు వినబడగానే.. ఒళ్లంతా థ్లిల్లంతగా ఫిలవుతారు. తన స్మైల్ తోనే అందరిని కట్టి పడేసే మహేశ్.. విభిన్నమైన సినిమాలతో ప్రేక్షకులని ఆకట్టుకొంటూ తన ప్రయాణాన్ని కొనసాగిస్తున్నారు.
ఆ ప్రయణాన్ని 4యేళ్ల వయసులోనే ప్రారంభించాడు మహేష్. బాల నటుడిగా ‘నీడ’ సినిమాతో ఎంట్రీ ఇచ్చాడు. ‘రాజకుమారుడు’ సినిమాతో హీరోగా ఎంట్రీ ఇచ్చిన మహేష్ టాలీవుడ్ సూపర్ స్టార్ గా ఎదిగాడు. టాలీవుడ్ నెం.1 స్థానం కోసం ప్రధాన పోటిదారుడు మహేష్ నే. అయినా.. సహచర హీరోలతో మహేష్ మంచి సాన్నిహిత్యం ఉంది. తారక్, రామ్ చరణ్, మహేష్ మంచి స్నేహితులు. ఇటీవల ఒకట్రెండు సందర్భాల్లో ఈ తీ-స్టార్స్ ఒకవేదికపై కనిపించి ప్రేక్షకులని మురిపించారు.
ఇక, అభిమానులకు మహేష్ పుట్టినరోజు కానుకని అందజేశారు. వంశీపైడిపల్లి దర్శకత్వంలో తెరకెక్కుతోన్న తన 25వ సినిమా టైటిల్ పోస్టర్ ని విడుదల చేశారు. ఈ చిత్రానికి ‘మహర్షి’ టైటిల్ ని పెట్టారు. సినిమాలో మహేష్ రిషి పాత్రలో కనిపించబోతున్నారు. ఇందులో మహేష్ మూడు డిఫరెంట్ షేడ్స్ ఉన్న పాత్రలో కనిపించబోతున్నట్టు తెలిసింది. మహేష్ సరసన పూజా హెగ్డే జతకట్టనుంది. అల్లరి నరేష్ మహేష్ స్నేహితుడిగా కనిపిస్తారు. ఈ చిత్రానికి సంగీతం దేవిశ్రీ ప్రసాద్. దిల్ రాజు-పివిపి-అశ్వినీదత్ లు సంయుక్తంగా నిర్మిస్తున్నారు.
