మైత్రీ సినిమాలు రిలీజ్ డేటు ఫిక్స్

ఈ యేడాది ‘రంగస్థలం’తో ఘన విజయాన్ని అందుకొంది మైత్రీ మూవీస్. ఆ జోష్ లో మరో రెండు సినిమాలని సెట్స్ మీదకి తీసుకెళ్లింది. ఇందులో ఒకటి రవితేజ ‘అఅఆ’ (అమర్ అక్భర్ ఆంథోని). శ్రీను వైట్ల దర్శకుడు. ఈ సినిమా ద్వారా ఇలియానా టాలీవుడ్ కు రీ-ఎంట్రీ ఇవ్వనుంది. దీంతో పాటు నాగచైతన్య ‘సవ్యసాచి’ సినిమాని నిర్మిస్తోంది. ‘ప్రేమమ్’ తర్వాత చందూ మొండేటి చైతూ కలయికలో తెరకెక్కుతోన్న చిత్రమిది. నిధి అగర్వాల్ హీరోయిన్. మాధవన్, భూమికలు కీలక పాత్రల్లో కనిపించనున్నారు.ఇప్పుడీ రెండు సినిమాలు విడుదల తేదీలని ఖరారు చేసుకొన్నాయి. ‘అమర్ అక్బర్ ఆంటోనీ’ సినిమాని అక్టోబర్ 5, ‘సవ్యసాచి’ సినిమాని నవంబర్ 2న విడుదల చేయనున్నట్టు మైత్రీ మూవీస్ ప్రకటన చేసింది. డిఫరెంట్ జోనర్ లో వస్తున్న ఈ సినిమాలు విజయాలు సాధిస్తాయనే నమ్మకంతో మైత్రీ మూవీస్ ఉంది.