‘అంతరిక్షం’లో వరుణ్ తేజ్

మెగా హీరోలు మాస్ కు పెట్టింది పేరు. మాస్ ఇమేజ్ ని పెంచుకొనేందుకు మెగా హీరోలు ఉత్సాహం చూపిస్తుంటారు. ఇందుకు మెగా యంగ్ హీరో వరుణ్ తేజ్ భిన్నం. ఆయన కూల్ గా కెరీర్ ని ప్రారంభించారు. క్లాస్ సినిమాలని చేసుకొంటూ వెళ్తున్నారు. కంచె, ఫిదా, తొలిప్రేమ లాంటి క్లాస్ సినిమాలు చేశారు. ఆయన హీరోగా సంకల్ప్ రెడ్డి దర్శకత్వంలో అంతరిక్షం నేపథ్యంలో ఓ సినిమా తెరకెక్కుతోన్న సంగతి తెలిసిందే.

స్వాతంత్య్ర దినోత్సవాన్ని పురస్కరించుకుని ఈ చిత్ర ఫస్ట్‌లుక్‌ను విడుదల చేశారు. ఈ సినిమాకు ‘అంతరిక్షం’ అనే టైటిల్‌ను ఖరారు చేశారు. 9000 కేఎంపీహెచ్‌ అన్నది ఉప శీర్షిక. వ్యోమగామిగా వరుణ్‌ ఏదో పరిశీలిస్తున్నట్లుగా కన్పిస్తున్న ఫస్ట్‌లుక్‌ ఆకట్టుకుంటోంది. ఇందులో అదితి రావ్‌‌ హైదరి, లావణ్య త్రిపాఠి హీరోయిన్స్ గా నటిస్తున్నారు.
ఈ సినిమాలో విజువల్‌ ఎఫెక్ట్స్‌కు ఆకట్టుకొనేలా ఉంటాయని చెబుతున్నారు.