దొంగతనం కేసులో నిర్మాత అరెస్ట్

‘నివురు’ సినిమా గుర్తుందా.. ? జూన్ 13న ప్రేక్షకుల ముందుకొచ్చింది. ఈ థ్రిల్లర్ సినిమా అట్టర్ ప్లాపుగా మిగిలింది. రిషి కృష్ణ దర్శకత్వంలో వచ్చిన ‘నివురు’లో మహాదేవ్, మమత, మహేష్.. తదితరులు కీలక పాత్రల్లో నటించారు. మహేష్ సినిమా కోసం పెట్టుబడి కూడా పెట్టారు. ఈ సినిమా ప్లాపు అవ్వడంతో.. ఇతడు దొంగగా మారాడు.

విక్కి బలిజ (26)తో కలిసి దొంగతనాలకు పాల్పడుతున్నాడు. వీరిద్దరిని ఉస్మానియా యూనివర్సిటీ పోలీసులు అరెస్టు చేశారు. వారి వద్ద నుంచి 50 తులాల బంగారు, 350 గ్రాముల వెండి ఆభరణాలతో పాటు మూడు వేల రూపాయాల నగదును స్వాధీనం చేసుకున్నారు. సోమవారం హబ్సీగూడ పరిసరాల్లో అనుమానంగా తిరుగుతుండడంతో పోలీసులు వారిని అదుపులోకి తీసుకొని విచారించగా వారి నేర చరిత్ర బయటపడింది. ఇద్దరిని అరెస్టు చేసి రిమాండ్‌కి తరలించినట్లు డీసీపీ పేర్కొన్నారు.