వెంకీ, సూర్య మల్టీస్టారర్ ఫిక్స్ ?

టాలీవుడ్ లో మల్టీస్టారర్ కు క్రేజీ తీసుకొచ్చిన కథానాయకుడు విక్టరీ వెంకటేష్. ఆయన సూపర్ స్టార్ మహేష్ బాబుతో ‘సీతమ్మవాకిట్లో సిరిమల్లె చెట్టు’, పవర్ స్టార్ పవన్ కళ్యాణ్ ‘గోపాల గోపాల’ సినిమాల్లో నటించారు. అంతకుముందు శ్రీకాంత్, రామ్.. తదితరులతో తెరను పంచుకొన్నారు. ప్రస్తుతం టాలీవుడ్ లో మల్టీస్టారర్స్ హవా కొనసాగుతోంది.
ఇందులోనూ సింహభాగం వెంకీదే. ఆయన మెగా యంగ్ హీరో వరుణ్ తేజ్ తో కలిసి ‘ఎఫ్2’, నాగ చైతన్యతో కలిసి ‘వెంకీ మామ’ సినిమాల్లో నటిస్తున్నారు. ఈ రెండు సినిమాలు ప్రస్తుతం సెట్స్ మీదున్నాయి.

‘ఎఫ్ 2’ దిల్ రాజు బ్యానర్ లో తెరకెక్కుతోంది. ఇక, ‘వెంకీ మామ’ని సురేష్‌ ప్రొడక్షన్స్‌, పీపుల్స్‌ మీడియా ఫ్యాక్టరీ సంస్థలు సంయుక్తంగా నిర్మిస్తున్నారు. సురేష్ ప్రొడక్షన్స్ లో వెంకీ మరో మల్టీస్టారర్ సినిమా చేయబోతున్నట్టు సమాచారమ్. ఇందులో వెంకీతో కలిసి తమిళ్ స్టార్ సూర్య తెరని పంచుకోబోతున్నట్టు చెబుతున్నారు. తెలుగు, తమిళ్ లో ఈ మల్టీస్టారర్ ని తీసుకొచ్చేందుకు ప్లాన్ చేశారని తెలిసిందే. దీనిపై త్వరలోనే ప్రకటనందని సమాచారమ్.