‘గీత గోవిందం’ 3రోజుల కలెక్షన్స్
గీత గోవిందం రష్మిక, విజయ్ దేవరకొండ థియేటర్స్ లో సందడి చేస్తున్నారు. తొలి ఆటతోనే వీరి ప్రేమకథని సూపర్ హిట్ అని తేల్చేశారు ప్రేక్షకులు. కలెక్షన్స్ అదిరిపోతున్నాయి. స్వాత్రంత్య్ర దినోత్సవం కానుకగా ఆగస్టు 15న విడుదల కావడం మరింత కలిసొచ్చింది. సెలవురోజు కావడంతో తొలిరోజు కలెక్షన్స్ అదిరిపోయాయి. ఆ తర్వాత శుక్రవారం కొత్త సినిమాలేవీ రాలేదు. జ్యోతిక ‘ఝాన్సీ’ వచ్చినా.. అది డబ్బింగ్ సినిమా కావడంతో ఎవరు అటువైపు చూడట్లేదు.
మూడు రోజుల్లో గీత గోవిందం రూ. 18కోట్ల షేర్ ని రాబట్టింది. అత్యధికంగా నైజాం నుంచి రూ.5.01 కోట్లు కలెక్ట్ చేసినట్టు ట్రేడ్ వర్గాల సమాచారమ్. శని, ఆదివారం సెలవులు కావడంతో కలెక్షన్స్ బాగా పెరిగే అవకాశాలున్నాయి.
ఈ లెక్కన గీత గోవిందం భారీ లాభాలని తెచ్చిపెట్టేలా ఉంది.
హిట్ టాక్ వచ్చిందని చిత్రబృందం ఊరికే ఏమీ కూర్చోవడం లేదు. తమవంటు ప్రమోషన్స్ ని చేస్తున్నారు. శనివారం బిగ్ బాస్ ఇంట్లో గీత గోవిందులు రష్మిక, విజయ్ సందడి చేయబోతున్నట్టు తెలుస్తోంది. ఇక, అదివారం హైదరాబాద్ లో సక్సెస్ మీట్ ని ఏర్పాటు చేశారు. ఈ వేడుకకి మెగాస్టార్ చిరంజీవి ముఖ్య అతిథిగా హాజరుకాబోతున్నారు. ఇది గీత గోవిందంకు మరింత మైలేజ్ తీసుకొచ్చేలా కనబడుతోంది. మొత్తానికి.. అర్జున్ రెడ్డి తర్వాత ఆ క్రేజ్ ఏ మాత్రం తగ్గకుండా ‘గీత గోవందం’తో మరో విజయాన్ని అందుకొన్నాడు విజయ్. కంగ్రాట్స్.. జూ. పవర్ స్టార్.
