మెగాస్టార్ బర్త్ డే పిక్ .. అదిరింది !
మెగాస్టార్ చిరంజీవి సెలబ్రేషన్స్ మంగళవారం మొదలై.. బుధవారం అర్థరాత్రి వరకు కొనసాగాయి. ‘సైరా నర్సింహారెడ్డి’తో టీజర్ తో మెగా పండగకు తెరలేచింది. అదే రోజు సాయంత్రం హైదరాబాద్ శిల్పాకళా వేదికలో చిరు బర్త్ డే సెలబ్రేషన్స్ జరిగాయి. మెగా యంగ్ హీరోలు విచ్చేశారు. అభిమానులకు కడుపునిండే మాటలు చెప్పారు.
ఇక, బుధవారం ఉదయం నుంచి సినీ, రాజకీయ ప్రముఖుల నుంచి మెగాస్టార్ కు శుభాకాంక్షలు వెలువెత్తాయి. ఇండస్ట్రీకి చెందిన పెద్ద, చిన్ని, చితక నటీనటులందరూ చిరుని విష్ చేశారు. బుధవారం రాత్రి అల్లుఅరవింద్ ఇంట్లో జరిగిన పార్టీ హైలైట్ గా నిలిచింది.
ఈ పార్టీకి మెగా హీరోలు, ఇండస్ట్రీ టాప్ దర్శకులందరు విచ్చేశారు. దానికి సంబంధించిన ఫోటోలు ప్రస్తుతం సోషల్ మీడియాలో వైరల్ గా మారాయి. దర్శకులు కొరటాల, సుకుమార్, పరశురామ్, వంశీపైడిపల్లి, బోయపాటి.. తదితరులు హాజరయ్యారు. ఈ పిక్ ని అదిరిపోయిందని మెగా అభిమానులు కితాబిస్తున్నారు.
