నీవెవరో పబ్లిక్ టాక్

ఆది పినిషెట్టి, రితికా సింగ్, తాప్సీ ప్రధాన పాత్రల్లో తెరకెక్కిన చిత్రం ‘నీవెవరో’. హరినాథ్ దర్శకుడు. ప్రతిమనిషి బయటికి కనిపించేదొకలా, లోపల మరొకలాగా ఉంటాడు. నీవెవరు అనే ప్రశ్న ప్రతి ఒక్కరికీ ఉంటుంది. కల్యాణ్‌, అను, వెన్నెల అనే ముగ్గురు వ్యక్తులు… వాళ్ల లోపల మనిషి ఎవరనే అంశం ఆధారంగా ఈ చిత్రం సాగుతుంది.

విభిన్న కథాంశంతో తెరకెక్కిన ఈ చిత్రం ఈరోజు ప్రేక్షకుల ముందుకొచ్చింది. ఇప్పటికే ఉదయం పూట ఆట పడిపోయింది. పబ్లిక్ టాక్ బయటికొచ్చింది. సినిమాలో ఆది పినిశెట్టి ఒక అంధ చెఫ్ గా ఎంట్రీ ఇచ్చాడు. అది బెస్ట్ ఫ్రెండ్ గా రితిక సింగ్ కనిపించింది. ఆది స్వభావాన్ని ఇష్టపడే అమ్మాయిగా తాప్సి కనిపించింది. అంధుడైన ఆదికి యాక్సిండెట్ జరగడం.. కళ్లు రావడం కథలో పెద్ద ట్విస్టు. అదే సమయంలో తాప్సీ కనిపించకపోవడం కథపై ఆసక్తి పెంచింది.

కళ్లు వచ్చిన ఆది తాప్సీని వెతికే క్రమంలో.. యాక్సిడెంట్ కి ముందు అసలు ఏమి జరిగింది.. ? తెలుసుకొనే ప్రయత్నం. మొత్తానికి ఫస్టాఫ్ సస్పెన్స్ తో సాగింది. అది సెకాంఢాఫ్ పై మరింత ఆసక్తిని పెంచేసింది. ఇక, సెకాంఢాప్ లో తాప్సీని వెతికేందుకు ఆదికి వెన్నెల కిషోర్ జతకలవడం.. కొన్ని నవ్వులు, కాస్త సీరియస్ నెస్ తో కథ నడించింది. ఆది గత జీవితంలో మోసగాడు ఎవరో తెలిసిపోవడం… ఓ భారీ యాక్షన్ సీన్ తో కథని ముగించాడు దర్శకుడు. సినిమా ఎలా ఉంది ? అనే విషయం ప్రక్కన పెడితే.. కథ మాత్రం చాలా కొత్తగా ఉంది. మరికొద్దిసేపట్లో పూర్తి రివ్యూని మీ ముందు ఉంచుతుంది.. మీ టీఎస్ మిర్చి డాట్ కామ్.