ప్రభాస్ సినిమాని ఎవ్వరు నమ్మడం లేదు.. !

ప్రభాస్ సినిమాని ఎవ్వరు నమ్మడం లేదు. అసలు పట్టించుకోవడమే మానేశారు. ఇది ప్రభాస్ కొత్త సినిమా సంగతి. ప్రస్తుతం ప్రభాస్ ‘సాహో’ సినిమాతో బిజీగా ఉన్నారు. ఈ సినిమా తర్వాత ప్రభాస్ ‘జిల్’ ఫేం రాథాకృష్ణ దర్శకత్వంలో ఓ సినిమా చేయబోతున్నాడు. ఇదో విభిన్నమైన ప్రేమకథా చిత్రమనే ప్రచారం జరిగింది. జులైలోనే ఈ సినిమా ఓపెనింగ్ అన్నారు. ఆ తర్వాత ఆగస్టు అన్నారు. అది కూడా గడిచిపోయింది. ఇప్పుడు సెప్టెంబర్ లోకి వచ్చేశాం. కాబట్టి మళ్లీ కొత్తగా తేదీలు పుట్టుకొచ్చాయి. ఈ నెల 6న ప్రభాస్ కొత్త సినిమా ప్రారంభోత్సవం జరగనుందని చెబుతున్నారు. ఐతే, ఈ సారి ప్రభాస్ సినిమాని ఎవ్వరు పట్టించుకోవడం లేదు.

ఇదో ప్రేమకథా చిత్రం. 1965 సం॥కు లింకు చేసి ఈ ప్రేమకథని చూపించబోతున్నారు. అది అద్భుతంగా ఉండబోతుందని చెబుతున్నారు. ఈ సినిమా విషయంలో చిత్ర యూనిట్ మధ్య ఐక్యత కనిపించడం లేదు. దర్శకుడు రాథాకృష్ణ మాత్రం కథ రెడీగా ఉందని చెబుతున్నారు. నిర్మాతలు మాత్రం ఈ సినిమాపై నోరు తెరవడం లేదు. ఇదిలానే కొనసాగితే.. ప్రభాస్ కొత్త సినిమా నిజంగా మొదలైన.. ఎవ్వరు నమ్మేలా కనబడటం లేదు. ఇక, సుజీత్ దర్శకత్వంలో తెరకెక్కుతోన్న ప్రభాస్ ‘సాహో’పై ప్రేక్షకుల్లో భారీ అంచనాలున్నాయి. అందుకు తగ్గట్టుగానే ఈ యాక్షన్ థ్రిల్లర్ ని రూ.300కోట్ల భారీ బడ్జెట్ తో అద్భుతంగా తీర్చిదిద్దే పనిలోఉన్నారు.