సుమంత్ ‘తాత’య్యాడు
అక్కినేని హీరో సుమంత్ తాతయ్యాడు. అలాగని ఆయన కూతురికి పెళ్లయ్యింది. కొడుకుపుట్టాడని అనుకోవద్దు. సుమంత్ ఆయన తాత ఏఎన్నార్ పాత్రలోకి మారిపోయారు. క్రిష్‌ దర్శకత్వంలో ‘ఎన్టీఆర్’ బయోపిక్ తెరకెక్కుతోన్న సంగతి తెలిసిందే. ఎన్టీఆర్ పాత్రలో ఆయన కుమారుడు బాలకృష్ణ నటిస్తున్నారు. ఇందులో అక్కినేని నాగేశ్వరరావు పాత్ర కోసం ఆయన మనవడు సుమంత్ తీసుకొన్నారు. ఈరోజు నుంచి సుమంత్ షూటింగ్ లో జాయిన్ అయ్యారు.
ఈ విషయాన్ని ట్విటర్‌ ద్వారా తెలిపారు. కారులో ప్రయాణిస్తున్నప్పుడు తీసిన ఫొటోను పంచుకున్నారు. ‘ఎన్టీఆర్ బయోపిక్‌లో ఏఎన్నార్ పాత్రలో నటించడానికి ఆయన వాడిన ఆఖరి కారులో నా తొలిరోజు షూటింగ్‌ను వెళ్తున్నా.’ అని ట్వీట్‌ చేశారు సుమంత్.
ఈ చిత్రంలో ఎన్టీఆర్ సతీమణి బసవతారకం పాత్రలో బాలీవుడ్‌ నటి విద్యా బాలన్ నటిస్తున్నారు. సావిత్రిగా కీర్తి సురేష్, శ్రీదేవిగా రకుల్ ప్రీత్ సింగ్, చంద్రబాబుగా నారా నటిస్తున్నారు. దాదాపు రూ. 50కోట్ల బడ్జెట్ తో ఎన్ టీఆర్ తీసుకురానున్నారు. తెలుగు, తమిళ్, హిందీలోనూ విడుదల చేయబోతున్నారు. వచ్చే యేడాది సంక్రాంటి కానుకగా సినిమా ప్రేక్షకుల ముందుకు రానుంది.
