నయన్ చేతిలో విఘ్నేష్ చిత్తు చిత్తు
దర్శకుడు విగ్నేష్ శివన్ప్రేమలో మునిగితేలుతోంది నయన్ . మొన్నటి వరకూ కాస్త గుట్టుగా వున్న ఈ జంట ఇప్పుడు ఓపెన్ అయిపోయింది. విగ్నేష్ శివన్ తనకు కాబోయే భర్త అని నయన్ పరోక్షంగా ఓ అవార్డుల వేడుకలో చెప్పింది. విగ్నేశ్‌ కూడా నయన్‌పై తనకున్న ప్రేమను తెలుపుతూ సోషల్‌మీడియాలో ప్రత్యేక సందర్భాల్లో ఫొటోలు పెడుతుంటుంది. ఇటీవల నయన్, విగ్నేశ్‌ కలిసి అమృతసర్‌కు వెళ్లారు. స్వర్ణ దేవాఅలయాన్ని దర్శించుకుని, లంగర్‌లో భోజనం చేశారు. దానికి సంబంధించిన ఫోటోలు సోషల్ మీడియాలో వైరల్ అయ్యాయి.
ఐతే, ఇటీవలే ఓ ఇంటర్వూలో నయన్ తో పెళ్లెప్పుడు ? అని విఘ్నేష్’ని అడిగితే ఆసక్తికరమైన సమాధానం చెప్పాడు. ‘నాకు తెలియదు. నాకు తెలిస్తే మీకు చెబుతా. ముందు నయనతారను అడగాలి. మా అమ్మను అడిగి తర్వాత నా పెళ్లి గురించి చెబుతా’నన్నాడు. ఇదేమైనా నయన్ మనసులో పెట్టుకుందేమో.. విఘ్నేష్ ని చిత్తు చిత్తుగా ఓడించింది. ఇంతకీ ఏ ఆటలో నయన్ విఘ్నేష్ ని మట్టికరిపించిందో తెలుసా.. ?
ఇటీవల విఘ్నేశ్‌ బర్త్‌ డే సందర్భంగా.. సరదాగా బయటకు వెళ్లిన వీళ్లు ‘ప్యాక్‌మ్యాన్‌ స్మాష్‌’ (చేత్తో ఆడే హాకీ లాంటి గేమ్) ఆట ఆడుకున్నారు. ఈ ఆటలో మొదటి నుంచీ ఆధిక్యంలోనే ఉండి విఘ్నేశ్‌ని చిత్తుగా ఓడించారు నయన్. ఇప్పుడీ లవ్ గేమ్ వీడియోని విఘ్నేష్ సోషల్ మీడియాలో పంచుకొన్నారు. దాన్ని మీరు చూసేయండీ.. !
Moments that lasts forever 😇 #NayanWins ✌🏻 #VikkyNayan 💗 pic.twitter.com/XJ4t4hPJdF
— Nayanthara✨ (@NayantharaU) September 23, 2018
