అరవింద సమేత ‘రేటింగ్’ అదిరిపోయింది !

అరవింద సమేత వీర రాఘవుడు దసరా కానుకగా ఈ గురువారమే (అక్టోబర్ 11) ప్రేక్షకుల ముందుకు రాబోతున్నాడు. ఇప్పటికే సెన్సార్ కార్యక్రమాలని పూర్తి చేసుకొన్నాడు. ‘యు/ఎ’ సర్టిఫికెట్ ని పొందాడు. ఈ సినిమా 161నిమిషాల 30సెకండ్ల రన్ టైంగా లాక్ చేశారు. అంతేకాదు.. సినిమా చూసిన సెన్సార్ సభ్యులు అదిరిపోయే రేటింగ్ ఇచ్చినట్టు సమాచారమ్. సినిమా ప్రారంభంలో ఓ 15నిమిషాలు, ముగింపుల్లోనూ 15నిమిషాలు ఎన్టీఆర్ మార్క్ యాక్షన్ ఏపీసోడ్ ఉందట. అది సినిమాకే హైలైట్ గా ఉందట.

ఇక, మిగిలిన సినిమా అంతా త్రివిక్రమ్ మార్క్ పండ్ డైలాగ్స్, ఫ్యామిలీ ఎలిమెంట్స్ తో సరదా ఉంటుందట. ఐతే, సినిమా ప్రారంభంలో కాస్త అయోమయం అనిపించినా.. క్రమ క్రమంగా కథతో కనెక్ట్ అయిపోతాడట ప్రేక్షకుడు. ఒక్కసారి కథతో కనెక్ట్ అయిపోయిన తర్వాత ఫుల్ మజా ఉంటుందట ఈ సినిమా. అంతేకాదు.. త్రివిక్రమ్, తారక్ ల కెరీర్ లోనే ది బెస్ట్ సినిమా అవుతుందని సినిమా చూసిన సెన్సార్ సభ్యుల టాక్. ఈ చిత్రానికి 4/5రేటింగ్ కూడా ఇస్తున్నారు. అంటే బ్లాక్ బస్టర్ హిట్ అన్నమాట. ఇండస్ట్రీ రికార్డులని తిరగరాయబోతున్నాడు వీర రాఘవుడు. ఇక, కాచుకోండి.. !

త్రివిక్రమ్ – తారక్ ల కలయికలో తెరకెక్కిన తొలి చిత్రమిది. పూజా హెగ్డే హీరోయిన్. ఈ సినిమాతో సునీల్ కమెడియన్ రీ-ఎంట్రీ ఇస్తున్నారు. థమన్ సంగీతం అందిస్తున్నారు. ఆయన అందించిన పాటలు, నేపథ్యం సంగీతం అదిరిపోయేలా ఉండనున్నాయి. ఇప్పటికే పాటలు వినేశాం. రి-రికార్డింగ్ మేకింగ్ చూసేశాం. సెన్సార్ రివ్యూలోనూ థమన్ సంగీతం చాలా బాగుందని చెబుతున్నారు. ఇక, ఈ సినిమా షూటింగ్ చాలా సరదాగా సాగిందని సినిమా ప్రమోషన్స్ లో చిత్రబృందం వెలుబుచ్చిన సంగతి తెలిసిందే.